ഇന്ധന വിലയുടെ എക്സൈസ് ഡ്യൂട്ടി കുറച്ചതും 5 സംസ്ഥാനങ്ങളിലെ നിയമസഭാ തെരഞ്ഞെടുപ്പിന്റെയും പശ്ചാത്തലത്തില് ഇന്ധന വില വര്ദ്ധിപ്പിക്കുന്നത് കേന്ദ്ര സര്ക്കാര് നിര്ത്തിവെച്ചിരുന്നു. എന്നാല്, ഗോവ, പഞ്ചാബ്, യുപി, ഉത്തരാഖണ്ഡ്, മണിപ്പൂര് എന്നിവടങ്ങളിലെ തെരഞ്ഞെടുപ്പ് ഫലം പുറത്ത് വന്നതോടെ ഇന്ധനവില കുത്തനെ ഉയരുകയാണ്.
ഉത്തര്പ്രദേശ്, പഞ്ചാബ്, ഉത്തരാഖണ്ഡ്, ഗോവ, മണിപ്പൂർ എന്നിവടങ്ങളിലെ നിയമസഭാ തെരഞ്ഞെടുപ്പ് മുന്പില് കണ്ടായിരുന്നു നവംബര് 4 മുതല് ഇന്ധനവില വര്ദ്ധിപ്പിക്കുന്നത് നിര്ത്തി വെച്ചത്. അതേസമയം, ഇന്ധന വില വര്ധനവിന്റെ കാരണം റഷ്യ -യുക്രൈന് യുദ്ധമാണെന്ന ന്യായീകരണവുമായി കേന്ദ്ര ഉപരിതല ഗതാഗതമന്ത്രി നിതിന് ഗഡ്കരി കഴിഞ്ഞ ദിവസം രംഗത്തെത്തിയിരുന്നു
16 ദിവസത്തിനിടെ ഡീസല്വിലയില് മാത്രം മൂന്ന് രൂപയുടെ വര്ദ്ധനവാണ് ഉണ്ടായത്. രാജ്യാന്തര വിപണിയിലെ വിലക്കയറ്റമാണ് വില വര്ധിക്കാനുള്ള കാരണം. കോവിഡും ലോക്ഡൗണും കാരണം ദുരിതത്തിലായ മനുഷ്യരോട് കേന്ദ്ര സര്ക്കാര് ഒട്ടും കാരുണ്യം കാണിക്കുന്നില്ലെന്ന് പ്രതിപക്ഷ പാര്ട്ടികള് ആരോപിക്കുന്നു.